和居和居 - 日式居酒屋

銅鑼灣駱克道401-403號英華商業中心地下A鋪

呢間餐廳好多日本人幫襯, 應該唔會差得去邊卦, 於是就同老豆慶祝父親節叻.

由於佢係一間居酒屋, 所以主打係酒, 串燒同小食, 不過都有飯咁既.
我地叫左個三文魚sashimi, 黑豚肉串, 免治雞串, 燒牛舌, 天婦羅腦同燒鯖魚.
其中免治雞串同燒鯖魚係店員推介.

先黎三文魚sashimi, $48有五大件, 雖然比元神細件, 但食落去都幾肥美下, 算唔錯.
個黑豚肉串比較清淡, 但都ok.
至於免治雞串就好好味, 果然冇介紹錯, 尤其係個汁, 正.
但係我最鐘意食既燒牛舌就比較"un".
至於天婦羅個漿都ok, 唔會炸得好厚.
最後黎既燒鯖魚都幾好味, 比想像中冇咁醒多bone.
價錢方面, 大約二百蚊/head.
食物質素同價錢都可以成正比啦.